Os populares galegos queren agradecerlle ao ex presidente da Xunta os seus anos de traballo e dedicación na Comunidade

O PPdeG respeta a decisión de Touriño de presentar a súa renuncia e agradece os servizos prestados a Galicia

• Os populares galegos deséxanlle ao socialista boa sorte nos vindeiros retos profesionais e personais que poida emprender a partir de agora

• Aseguran que será a súa dedicación o que teñan en conta á hora de lembrar a figura dun ex presidente que, ao igual que os seus predecesores e ao igual que o actual presidente da Xunta, puxo todo o seu esforzo en Galicia.

Santiago de Compostela, 10 de marzo de 2010.- O Partido Popular de Galicia quere mostrar o seu respeto pola decisión do ex presidente da Xunta e deputado do PSOE, Emilio Pérez Touriño, de presentar a súa renuncia como parlamentario na Cámara galega e agradece os servizos prestados á Comunidade durante os últimos anos.

Os populares galegos queren amosar a súa gratitude cara ao ex presidente polos seus anos de traballo, esforzo e dedicación a Galicia e aos galegos. Así mesmo, o PPdeG deséxalle ao socialista boa sorte nos vindeiros retos profesionais e personais que poida emprender a partir de agora.

Os populares galegos expresan, polo tanto, o seu respeto pola figura do ex presidente da Xunta que traballou de forma activa en Galicia e por Galicia durante os case catro anos que durou a súa lexislatura.

Así mesmo, o PPdeG afirma que será a súa dedicación o que teña en conta á hora de lembrar a figura dun ex presidente que, ao igual que os seus predecesores e ao igual que o actual presidente da Xunta, puxo todo o seu esforzo en Galicia.

Compartir en: